سوالف بنات ( استشاره.. نصيحه .. تجارب واقعيه )اتمنى المشاركه من الجميع..

#1 19-03-2006, 05:18 PM

مراحب

اخباركم بنوتات

اليوم جاتني فكره مره حلووه

وراح نستفيد كبنات بشكل جيد من المنتدى

وقبل كل شي

رجاء ثم رجاء

ممنوع اي ولد يدخل هالصفحه بالذات لانها خاصه كثيييييييير ومانبي اي تطفل من العيال .. وراح يحذف رده لو رد ..

[blink]وماراح احلل ولا واحد ليوم القيامه اذا دخل وتصفح هالصفحه [/blink]... ماعدا المراقبين .. [blink]اللورد..بواحمد [/blink]هم لهم الصلاحيه لدخول هذي الصفحه .. تعرفون لضروره احكام ..

والحين يله اوووت ,,,

المهم بنوتات

الفكره عباره عن ...

تجارب واقعيه .. يعني مانبي بهالصفحه ابد [blink]cut و paste يعني نسخ ولصق [/blink]..

مثل ..

مريتي بمشكله معينه واستفديتي منها وودك تنصحين البنات .. سواء حبيتي تقولين المشكله + النصيحه او بس النصيحه للافاده فقط ..او العكس عندك مشكله لك او لقريبتك او لصديقتك وتبين النصيحه ..

او تبين تشترين عطر او كريم معين ومحتاره وتبين نصيحه ... او العكس عجبك عطر او كريم او ميك اب ... الخ وتنصحينا فيه ..خصوصا المحلات اللي تبيع اشياء طبيعيه زي بودي شوب من كثر ماهو عالم كبير على قد ماتشترين منه .. تحسين ماشريتي منه شي .. حلو ننصح بعض وش جربنا منه ويكون مدعم بالصور وتكونين مجربته طبعا مو تنصحين على اساس السمع وتقولين النتائج اللي طلعت منه او العكس تقولين مساوئ..

اوشفتي كذا ساعه معينه عاجبينك ومحتاره وتبين النصيحه .. او عندك لبس وموعارفه بالضبط وش الاكسسوار اللي يناسبه ونفس الشي بالنسبه للاحزمه بالذات ..

او مثلا فتح محل جديد حق البنوتات .. او محل معين فيه بضاعه جديده نازله او فيه تنزيلات او عروض مؤقته ..

او تجارب انتو طبقتوها واخترعتوها انتو ..

مثل جدولك اليومي اذا كان مفيد .. او مثلا خلطه معينه شفتيها وجربتيها + النتائج ..او كتاب مفيد قريتيه تنصحينا فيه ..او روايه معينه ..

الزبده كل شي واقع في واقع .. وياحبذا لو كان مدعم بالصوور سواء انتي صورتيه او جبتيه من موقع ..

يعني لا تنسون مانبي قص ولصق ...

والنصايح مجرد استشاره غير اجباريه .. لك الحق في اختيار المناسب لك ... حتى محد يلوم الثاني .. وتكون هالصفحه مصدر للفائده لك بنوته بمنتدى وعود ..

ونتمنى من الزائرات يفيدونا زي مانفيدهم :)

ملاحظه .. اي سؤال عن شي معين ينطرح في موضوع منفصل سوف يتم دمجه بهذا الموضوع ..

19-03-2006, 06:10 PM

جربت قلوس من جيرلان . .رهيـــــــــــــــــب .. تحسون انه قلوس من جد ..

اول واحد جربته .. رهيب .. اول شي يكون عالشفه موجود ولايروح بسرعه ...

واذا خف .. مايخف لونه مره وتبين شفايفك .. ولمعته ثابته الى حد ما ..

وبعدها قلت خلاص مافيه كلام اي قلوس ابيه بروح جيرلان ..

من فتره طلعت مجموعةKISS KISS

لاتفوتكم رهيبه ...

شريت لون طماطم

فيه بعد لون شفاف فيه لمعه ملونه .. رهييييييييييب..

بنات لايفوتكم جيرلان انا جربت ديوور يسيح ويختفي وجربت بودي شوب ينزل من الشفه .. جربت مكياجي نفس الحاله ..

ان شالله اكون افدتكم

19-03-2006, 06:12 PM

هذي اول افاده مني .. وراح افيدكم ان شاءالله اكثر ..

اتمنى القى تجاوب منكم .. :)

19-03-2006, 10:37 PM

ياعيني عليكي يارائعـــة .. عن جد مبدعة والموضوع يستحق التقييم والتثبيت الدائم بعد ..

وان شاء الله الكل يشارك فيه ومثل مايستفيدوا منه يحاولوا انهم يفيدوا ..

ماراح أطـــول ..

بالنسبــة لي هاذي بعض النصائح والافكار والادوات اللي استخدمها ..

** الفاونديشن .. ماركة ماكس فاكتور ..

بالمرة نيتشور ومو مبين انك حاطه فاونديشن ولا يبقع ولا يتجمع بمكان بوجهك مع التعرق او اذا كانت بشرتك دهنية .. ولا يلمع او يبهت مثل بعض الفاونديشنز ..

وهاذي صورته اللي عاليسار ..

**طبعا تسائلتوا ليش رازة المرطب بجنبه ..؟!

في البيت او لمن يزورك ناس عاديين او لمن تروحي مشوار صباحي وحابه يكون لون شفافك طبيعي جدا وفرش ..

استخدمي محدد قريب من لون شفافك ويفضل يكون على وردي هادي ..

وحطي عليه المرطب وباصبعك امزجيهم على شفافك يعني اخلطي المحدد بالمرطب عشان تضيع الحدود وتاخذ لون المحدد ..

شفافك راح يطلع لونها وردي طبيعي جدا مع لمعه تكسبه امتلاءه حلوه ومنظر فرش حلوووو

** مره تأخرتي ماشقرتي حواجبك او رتبتيهم وعندك طلعه وفيه كم شعره طالعه مخربه الشكــل..؟!! شوفوا خطتي الخماسية خخخ ..

قلم رسم العيون الأبيض ابو راسين هو الحـــــــل ..

ارسمي بالقلم حدود الحواجب فوق الشعر الزايد وبالراس الثاني اللي مثل الفلين امسحي عليه عشان تخفين حدوده ووزعيه ..

راح يخفي الشعر الزايد ويعطي وضوح للحاجب واسفله ..

وطبعا بشدو قريب من لون حاجبك ارسمي الحاجب من الداخل بس يفضل انك تسوين هالخطوه قبل لا تحددين الحاجب من برا بالابيض ..

- وعلى سيرة الشدو ..

اذا حطيتي شدو وغلطتي في الرسم لا تمسحينه ..

اللي زايد حطي عليه شدو ابيض راح يختفي تماما ..

- لمنظر طبيعي لعيونك .. ارسمي عيونك بالآي لاينر خط متوسط مو نحيف ولا سميك من فوق فقط ..

وحطي الماسكارا من اللي تطول الرموش وتفرقهم .. يستحسن استخدام العاقفه مدري وش اسمها نسيت خخخخ

وحطي لينسز بلون طبيعي شوفوها تحت ..

** للي يستخدموا اللينسز ..

اذا حابة الناس تشوف عيونك وماتنتبه انك حاطه عدسات استخدمي ماركة فرش لوك ..

هاذي صورة السولوشن حقه بس عشان اوريكم شكله ..

وتحديدا جربي .. radiance - autumn

هذا يعطي لمعه للون عيونك على بني مره مره حلوه وطبيعية ..

غير كذا هالماركة كويسه للعين مو مثل بعض الانواع تهيج العين ..

*** الأرواج .. المفضله عندي ماركة ميك اب فور ايفر ..

وتحديدا هالالوان اللي شفتوها مره نيتشر .. واللي عاجبني بهالماركه انها على اسمها ..

تبقى مده طوييييييله والله بالساعات وحتى لمن اشرب او آكل تبقى ..

غير كذا لونها مايتغير مع الوقت ..

وناعمه عالشفاف يعني ماتخشنها او تقشرها مثل بعض الانواع ..

- وعلى سيرة الارواج .. اذا عندك روج شريتيه ويوم استخدمتيه ماعجبك ..

اخلطيه مع لون آخر أو حطي عليه قلوس راح يتغير اللون أكيد ..

- واذا كان عندك روج بالمره فاقع حطي عليه قلوس راح يخفف حدته ويعطيه منظر مره حلو خصوصا اذا كان احمر ..

او بالمره باهت حطي عليه قلوس اللي يجي معه لمعة فضيه او اي لون ..

هـــذا اللي ببالي الحين اتمنى تجربوه وتقولولي اذا نفع معاكــم أو لا ..؟!

تحيتـــو ..

20-03-2006, 12:24 AM

ياسلام عليك ياندومه .. ..

بصراحه افادات ولا اروع ..

خصوصا سالفة الحواجب ..

ومرطب الشفايف .. جد رهيب .. وعمليه ..

ويسلموو عالنصايح الروعه ياروعه ..

فنتظار البقيه

20-03-2006, 12:35 AM

حلووووووووو ماشاء الله تبارك الله

لي رجعه إن شاء الله لأنه جاني نوم

تصبحون على ألف خير

ومشكوره أسول على الفكره الحلوه

تحياتي ,,,,

20-03-2006, 12:49 AM

داد

بليز بدون احباطات .. اتمنى رجوعك باسرع وقت ممكن ..

شاكره لك مرورك :)

في انتظارك ياعسل

20-03-2006, 01:55 AM

رجعت عيوني عشان خاطر عيونك

عندي بعض الطرق للمطبخ للإسراع من الطبخ و يقلل من الوقوف في المطبخ والمال

*طبعاً في أنواع من الحلى يحتاج بسكوت مطحون وهذا يأخذ وقت في الطحن أنتي قبل بوقت أطحني كميه كبيره نص كرتون مثلاً أحفظية في حافظه.
ولا تنسي اللوز يحتاج إلى سلق وبعدين تقشير وقلي وطحن وهذا يأخذ وقت سويه من قبل بس كميه مو كثيرة يعني قد علبة النسكافة.

*الخضار حاولي يوم في الأسبوع تشتري كمية أسبوعين من الخضار وتنظفيه وتحفظيه تمام وطبعاً حطي طبخه وأحده وتحطيه بالفريزر بس لمده أسبوعين هذا أفضل
حتى الكزبرة والبقدونس والبصل الأخضر يمكن حفظها في الفريزر تعرفي هذي تخرب بسرعة وما تأخذ وقت في الثلاجة فعشان كذا تعرفي ورق الزبده أللي يستخدم في المطاعم للمطبق جبيه وبعد ما تغسيلي الكزبرة أو البقدونس أو البصل الأخضر تمام تمام خليه شوي لين ما ينشف وبعدين لفيه بورق الزبده وحطيه في كيس وبعدها في حافظة وعلى الفريزر
الطماطم خرابه سريع وسعره رخيص في السوق يوم الجمعة من سوق الخضرة صح لمن تشتري كميه كبيره وتعزلي الطماطم الطرية لأنها أسرع خراب تمسكيها وتغسليها وبعدين أعصريها وحطي في كل كيس كميه تكفي لطبخة وأربط الكيس ورتبيها في الحافظة وفي الفريزر ولمن تحتاجي منها خرجي كيس قبل الوقت بربع ساعة بس

هذي بعض طريقي

ولي رجعه لتكملة الباقي إن شاء الله عن المعجنات

21-03-2006, 11:58 PM

22-03-2006, 03:25 AM

هلا رفيف ..

يسعدني انك موجوده معنا .. ومواضيعنا عجبتك ..

بالنسبه لسؤالك .. حطي كونسيلر الاخضر .. ومعروف هو للبشره الحساسه .. وارشح لك اثنين .. واحد من ميك اب فور ايفر .. والثاني جفنشي ..

طبعا وظيفته يغطي الاحمرار ..

طريقة ووضعه .. قبل كريم الاساس تحطين طبقه خفيفه منه لانه يغطي الاحمرار .. وبعدها حطي الشدوو .. واللي تبين ..

هذي صور له ..

كونسيلر ميك اب فور ايفر ..بودره ..

شرح مُبسط عنه ..

1/الكريم الاخضر::زي ماقلنا ..يكون للبشره الحساسه وفيها بقع حمراء..وطريقة وضعه مثل ماذكرنا ..يوزع قبل كريم الاساس كطبقه خفيفه لانه يغطي الاحمرار..

2/البني الداكن :
لاخفاء الهالات السوداء ..وهو لتصغيير .. وزي مانتي عارفه انه الغامق لتصغير والفاتح لتكبير ..ونضعه كطبقه اولى قبل الاساس .. في حالة مافيه بقع حمراء ..

3/البيج الغامق مائل للاورنج:
يستعمل أيضا للهالات السوداء.. السبب في استخدام هذا اللون .. لانه لون طبيعي اقرب لبشرتنا ...تعرفين بشرة العربيات غير عن الاجانب ..

4/البيج الفاتح على زهر:
يستعمل للبشره المبقعه ..اللي ماتكون موحدة اللون .. وطريقة وضعه كطبقه ثالثه ..بعدها راح تلاحظين البشره موحدة اللون .. خاليه من التبقع (الحب والبثوور )

5/البيج المصفر:
توضع على العظمه اللي تكون تحت الحاجب .. وبعدها نحط الاضاءه .. وومكن اذا حبيتي تحطينه على جوانب الانف الصغير لأبرازه بشكل أفضل ..

.....

كونسيلر من جفنشي على شكل قلم سائل ..

كونسيلر من جفنشي بعد فتح الغطاء ..

اسمه ..MISTER LIGHT
طبعا هذا اللي عندي وبصراحه ولا اروع ثاني مره اشتريه .. شوفي اللي يناسب عيونك وخذي منه ..

طريقة وضعه .. يوزع حول العين الى اخر الحاجب .. وتقومين بأطراف اصابعك بالطبطبه عليه بعد ماتحسين انه امتزج مع الجلد وصار طبيعي الى حد ما ..

اتمنى اني وفقت في الشرح ومساعدتك .. اذا ماضبط معك خبرينا ..:)

الذين يشاهدون محتوى الموضوع الآن : 1 ( الأعضاء 0 والزوار 1)

أدوات الموضوع
مشاهدة صفحة طباعة الموضوع أرسل هذا الموضوع إلى صديق