العميد و الزعيم هل اصبحا يغردان خارج السرب

- العميد (الاتحاد) الفريق السعودي الوحيد الذي واصل مشواره آسيويا .
- الزعيم ( الهلال ) الفريق الوحيد الذي بات ينافس الاتحاد على الصدارة في السنتين الأخيرتين .
- السؤال الذي يطرح نفسه > أين ذهبت الأندية القوية الأخرى > (البيق فور ) . !
- الليث (الشباب ) المنافس القريب للإتي والهلال , ولكن في بطولات الكأس أما في الدوري فالشباب ليس هو الشباب .
- العالمي ( النصر ) حاول القائمون عليه تغيير جلد الفريق , ولكن النصر لم يعد كما كان , ربما يعود ولكن بالتأكيد ليس هذا العام !! .
- قلعة الكؤوس (الأهلي) إدارة واعية , لاعبين جيدين , سوى خط الدفاع المنهار تماما , هل سيفعل الأهلي شيء في دوري أبطال آسيا ؟؟
- الفتح هل سيكون سفيرا للشرقية مكان الاتفاق وبالطبع القادسية , ربما !!
- الاتفاق متذيل دوري زين للمحترفين !!!! مكان لا يليق بفارس الدهناء .

:

:

في الثلاث سنوات الأخيره [ ومن بداية الدوري ] جميع وسائل الإعلام تحصر اللقب بين الزعيم والعميد .. والبعض [ يحشر ] الليث معهم ..!!

لأنهم وببسآطه [ يملكون البديل الجاهز والنفس الطويل ] ..!!

الهلال ماشاء الله تبارك الله لو يفتك من [ لجنة الإنضباط وقراراتها ] صدقوني مايوقفه آحد ..!!

الإتحاد يعتمد إعتماد كبير على محمد نور ...!

صحيح محمد نور من آفضل اللعيبه في آسيا إن لم يكن آفضلهم هذا العام ..!!

بس ماهو مستمر مع الإتحاد إلا لـ آربع آو ثلآث سنوات وبعدها بيعتزل ..!!

وأخاف إن الفريق والجمهور الإتحادي يعتمد إعتماد كلي على نور ويزرع هذه النظريه في ابناء الفريق ..!!

ويصير فيه مثل ماصار في الهلال مع التايب يوم وقفوه ..!! وكأن مافي الهلال إلا طارق ..!!

الشباب .. في بداية الدوري يسوي الهوايل وخصوصا في فرق المنطقه الدافئه ..!!

وإذا جاء آخر الدوري وقابل الهلال والإتحاد حاقوها لعيبته ...!!

لأنهم يركزون على كأس الأبطال ويخلون الدوري ..!!

أما الفريق النصراوي .. [ متعوووووده دااااايما ] ... من قبل يبدأ الدوري يبدأ التطبيل الإعلامي للرئيس والفريق

وأول ثلآث جولات يهايطون بالفريق واللعيبه والجوله الرابعه << قدام الهلال .. يدخلون اللعيبه متحمسين ومتشنجين

وكنهم داخلين على حرب مو مباراه تسعين دقيقه ...!!!

وبعد الهزيمه كـ العاده ... يبدأ الفريق في تقديم آهزل العروض والهزائم النكراء من آضعف الفرق ...!!

لين الدور الثاني وقبل مباراتهم مع الهلال ثم يلتمون من جديد ويبدأ الهياط من جديد .. والإسطوانه تعيد نفسها كل سنه وكل دور ..!!

الفتح .. اعتقد بيصير مثل الوطني قبل العام ...!!

القادسيه .. مكانك الأولى ...!!

الإتفاق .. يبيلهم تغيير جلد سواء من جهاز فني أو إداري ..!!

الأهلي .. جمهور رآقي وخرآفي .. إداره وآعيه ورآقيه .. آجانب ماحولك آحد .. مدرب من جنبها ..!!

وكل سنه يا الرابع أو الخامس ..!!

الوحده .. مع رئيسهم الجديد آعتقد بيكون لهم شأن في الموسم القادم او اللي بعده ..!!

الرآئد .. ياحظهم بـ رئيسهم الجديد ... والله إن في إستمراره مكسب للرائديين ..!!

مقرقع .. آفضل عضو في وعود ... !! << ترى الرجال تحمس في التحليل ..!!

عوافي يامقرقع على هالموضوع ... وتقبل مصالتي

ـآصدق ..!

آصدق احساس
شاكر لك مرورك
انت شاعر ومحلل وجنتل وزاحف >>> وش بقيت لنا هع
مآآشاء الله >>> عشان لا تقولون يعاين

غلا الرياض
تحليل منطقي
بس اجابتك عالسؤال يعني معقولة من ثلاث سنوات الاعداد ما اعطى ثمارة
شرف لي زيارة موضوعي

أولا : يسلموووو أخوي مقرقع على الموضوع الرائع ..

ثاينا : من عنوانك للموضوع إختصرت الكثييييير ...

بالفعل الإتحاد والهلال هم الناديان الوحيدان المتنافسان على الدوري ( النفس الطويل ) ..

باقي أندية الدوري جميعهم ينافسون على البقاء في الدوري للموسم القادم ..

ما عدا ( الأهلي - الإتفاق - النصر - الوحدة ) هذي الأندية الأربعة تقريباً التي تتنافس على المركز الرابع واللحاق أو الوصول إلى دوري المحترفين الآسيوي ..

طبعاً إستثنيت ( الشباب) لأنه هو صاحب المركز الثالث وأفضل ثالث فريق ( للنفس الطويل ) ..

ثالثاً : جميع الأندية تتنافس في بطولات ( النفس القصير ) ( بطولة الأمير فيصل بن فهد - كأس ولي العهد - كأس الملك ) ...

ما عدا الإتحاد والهلال ، لأن أغلب تفكيرهم من بداية الموسم الرياضي إلى آخرة والتفكير على الدوري وعلى دوري أبطال آسيا...




رابعاً : ..........








تحيااااتي...,,,

اخوي حمودي
سرني تواجدك في موضوعي
لك الف شكر يا الغلا