مادام سلطان الكرم حي وبخير

يا طير غردوازهري يا نواويـر= يا شمس طلي وانزحي ياغمامـــه
ويا نفس زفي للوجيه التباشـــير=ويا جفن كف من البكا والندامــه
من هـالـدقيقة ما للاحزان تبرير=برجـوع أبـو خالد لنا بالسـلامــــه
مادام (سلطان)الكرم حي وبخير=ما عاد ننشد لو تقوم القيامــه
بشت يذرّي عن عجاج المعاصـــير= ووجه يرد ارواحنا بابتسامه
وكف يجود بلاحدود ومعايير=وشـهـامـة ما بـعدها من شهـامـه
أكرم من اللي ما ياخذالجود تبذير=واصدق من عتاب الخوي في خصامه
واشد من ضرب السيوف الشواطير= واجلّ من وصف يحدد مقامه
(سلطان)ياقرم يقود الطوابـــير= يا سيد الجيش السعودي وإمامـه
يا شوق تلعات الرقاب الغنــادير= يامنبر الدين الحنيف وحسامـه
جيتك وفي صدري وطن من تعابير= وبخافقي حب الكويت وغرامـه
لان الرفيق يحن ويحس ويغـــير= والصف الاوحد مستحيل انقسامه
شعب الكويت يكن لك كل تقدير=ويبّلغ الشعب السعودي السلامه
ويعاهدك مهما تدور المقادير= نبقى لكم مثل الفشق في حزامـه
لأن قدر المملكة عندنا غــير= المحترم يفرض عليك احترامـه
واللي يوفي بالتزامه مع الغيــر= عيب علينا ما نحفظ التزامـه
يا جارنا اللي ما يجي منه تقصيـر=يا أكبر دروع اهل الجزيرة ضخامـه
أرض الحرم.مهد الكرم.منبع الخــير= طهر الظبي.ستر العبي واللثامـه
يا قصة الكوثر ويا زمزم البــير= ويا موقع أقدام الخليل ومقامـــه
أغلى ثرى تاطا به الرجل وتســــــير= واكثر عباد الله ورع واستقامة
إن كبّروا هزّ الفضا صوت تكبـير= ولسجودهم في ناصيتهم علامـة
طول اللحى لوقارهم زود توقــير= وقصر الثياب لهم جمال ووسامة
أصحاب نهج ودينهم دين تذكير= وآمالهم تبني وطن من عدامـــه
لان العمل يجمع شعوب وجماهيـر= عمر الجهل ما عز للدين قامة
ومن يدّعي الاصلاح لأغراض تدمـير= ما اظن للرحمة صلة باهتمامه
الموعظة تيسيرما هي بتعزيـر= وحنّا نميّز بالحلال وحرامه
ما للهدف من قتل الاطفال تفسيـر= وصبر على فعل الجرايم غشامة
أكثر من اللي صار وش عاد بيصير؟= المسألة وصلت حدود الكرامة
ما الله خلق في سمانا عصافـير= والحمد لله ما لنا بالرخامه
جهّالنا عند المواجه مغاويـر= وافعالنا عزم.وثبات.وجزامه
يوم الضعيف في الشدايدمعيثيــــــر= حنا ليا ضاقت نطشّ العمامه
نفزع بوجه المدفع بسيف وبعير= ولا عاش فينا من يرد بكلامـه
يا مير ما يلحقكم الشك يامير= ولا غيركم يا اهل الزعامة زعامـه
الله مدّبر فيكم العدل تدبــــير= ومعكم يسود امن البلاد ونظامه
وان كان للفتنة على الشعب تأثيـر= يمكن تزّود وحدته والتحامه
الحكم حكم الله ولا فيه تغيــير= ودوامكم يا سيدي من دوامـه
والله لاعنترولا سالم الزيـر= يقدر يزعزع بأرض الاسلام هامه
مادام صقر المملكه حي وبخير=ومادام بوخالد رجع بالسلامه
هلّت على الشعب السعودي تباشير=وقامت على حزب الضلال القيامه